Почитувани, од запад  и од северозапад во моментов према територијата на нашата Македонија се приближува поголема облачна маса, па така таа до крајот на денов и вечерва ќе услови на повеќе места да има појава на пороен дожд, грмежи и засилен ветер.

Локално процесите можно е да бидат поинтензивни и застапени во форма на невреме, проследено со обилен пороен дожд, силен ветер, силни грмежи и електрични празнења  и со услови за појава на град. Слично време ќе имаме  и утре (сабота), кога особено во попладневните  и во вечерните часови повторно на повеќе места ќе има појава на пороен дожд, грмежи, засилен ветер и локално невреме.

И во делови од Скопскиот регион денес и утре (сабота) ќе има појава на пороен дожд, грмежи, засилен ветер, како и услови за појава на невреме.

Апелираме во случај на појава на невреме  и на електрични празнења, да не се претстојува на отворен простор  и под осамени дрвја.

Што се однесува до температурите, тие од ден на ден ќе бележат тенденција на постепено опаѓање.

На следниот линк можете да ја следите алатката за рано предупредување од невреме “НОТАС”, и истата е од голема корист за секој граѓанин https://nothas.finki.ukim.mk/