Под влијание на фронтална долина со поладен воздух на висина, во следните 24 часа во Македонија на повеќе места ќе има нови врнежи од дожд, локално поројни и проследени со појава на грмежи, особено во јужната половина од нашата Македонија.

Локално пак, атмосферските процеси можно е да бидат поинтензивни и во форма на невреме, проследено со пообилен пороен дожд, силен ветер, електрични празнења  и со појава на град. Апелирам, во случај на појава на невреме и на елекстрични празнења да се избегнува претстој на отворено, како и под осамени дрвја.

Граѓаните своите автомобили во случај на силен ветер да ги ставаат по настрана од дрвјата, особено оние кои се осамени.

И во делови од Скопскиот регион во текот на овој период ќе има нестабилна облачност со пороен дожд, грмежи и засилен ветер во зоната на нестабилност.

Температурите остануваат релативно пониски и слични на денешните, или за некој степен тие ќе бидат пониски од денешните. Уште поголем пад на температурите ќе имаме кон крајот на работнава седмица, кога ќе има и пообилни врнежи на повеќе места во нашата Македонија, а на високите планини поради падот на температурите  и продорот на ладен воздух од север и од североисток ќе има и врнежи од снег.

На следниот линк можете да ја следите алатката за рано предупредување на невреме НОТАС, и истата е од голема корист на секој граѓанин https://nothas.finki.ukim.mk/