Пожари под контрола

Вкупно 4

– Општина Долнени с. Слепче и с.Гостиражни (ниска вегетација и дабова шума)

– Општина Делчево (градска депонија)

– Општина Македонски Брод : с.Девич (дабова шума)

– Општина Радовиш ,с. Штурово ( мешовита шума)

Пожари локализирани

Вкупно 2

-Општина Василево : помеѓу селата с.Вељуса и Ангелци (ниска вегетација)

-Општина Конче: с Горни и Долни Липовиќ (нискостеблеста шума)

Изгаснатии пожари

Вкупно 9

– Општина Росоман 2 пожари:с.Трстеник, с.Манастирец (ниска вегетација)

– Општина Ново Село: с.Бадилен (дабова шума и борова шума)

– Општина Зелениково: с.Вражале (ниска вегетација и шума)

– Општина Виница: Ромско маало (ниска вегетација)

– Општина Струга 2 пожари; с.Татеш(стрниште) и с.Велешта(стрниште).

– Општина Струмица; Клучката кон с.Попчево на регионалниот пат Струмица –Валандово(ниска вегетација и капини)

– Општина Битола: Гермаски гробишта нас.Баир (Ниска вегетација и шума);

– Општина Чашка: 2 пожари меѓу с.Јаболчиште и с.Раштани (ниска вегетација)

– Општина Прилеп 3 пожари: кругот на ,, Црн Бор ” и,, Бин- Фут” (ниска вегетација) м.в „Расомбегово“ (ниска вегетација), с.Кошино (ниска вегетација и шума)

Регионалниот ЦУК Битола известува дека Екипите од ТППЕ Битола, НП ,,Пелистер”, ДПД,,Арханѓел” и доброволци се повлечени од терен од пожарот на м.в.Смолево (Општина Битола) во 23.00 часот. На терен во гаснењето биле активни повеќе од 50 луѓе и пожарот е локализиран но се уште постои опасност, бидејќи еден крак од истиот е се уште активен во густа борова шума и е во правец на с.Буково. До овој момент не се загрозени населени места и објекти. Командирот на ТППЕ Битола во раните утрински часови (05.30 ч.) врши контрола на теренот и ќе одлучи како ќе продолжи гаснењето на пожарот. Во текот на ноќта очекувано се намали интензитетот на горење на оние места каде што пожарот е се уште активен. Пожарот е одалечен од НП,,Пелистер” околу 10 км.

Екипите од ТППЕ Прилеп кои го гаснеа пожарот во атарите на с.Слепче и Гостиражни се повлечени од терен околу 23.30ч. Пожарот е започнат на 13.07.2024 во атарот на с.Црнилиште (ЕЛС Долнени).Во моментот пожарот е локализиран.

Екипата од ТППЕ Прилеп која го гаснеше пожарот во атарот на с.Небрегово (Општина Прилеп) е повлечена од терен во 22.05часот. Пожарот е се уште активен во повисокиот дел бидејќи во текот на ноќта немало услови да се интервенира на тој дел.

Регионален ЦУК Струмица, известува дека пожарот помеѓу населените места Негорци и Кованец, во Општина Гевгелија, што избувна на 12.07.2024 година, се уште е активен но е ставен под контрола. Во текот на денот во 16.24 часот со два налети дејствуваше 1 (еден) словенечки хелихоптер и беше повлечен. Други сили 6 пожарникари со 2 ПП возила од ТППЕ Гевгелија, 17 вработени од Национални шуми ПШС „Кожув“ Гевгелија со 2 теренски возила и 1 специјално ПП возило, 6 вработени во ЈПКД „Комуналец“ Гевгелија.

Пожарот кој се појави 15.07.2024 година над Радовиш кај с.Штурово, е под контрола. Интервенирале ТППЕ Радивиш со 8 пожарникари 1 ПП возило и 2 теренски возила на, 15 припадници од АРСМ, а од ЈП НШ „Плачковица“ 10 вработени. Интервенирано е со српскиот хелихоптер во три налети и полицискиот хелихоптер со 1 налет. Дел од екипите постепено се повлекувале од теренот како намалувал денот. Гори сува трева, бор, деградирана шума и даб. Зафатена е површина од 150 – 200 хектари (неофицијално).

Шумскиот пожар над с.Бадилен општина Ново Село се уште е активен. Зафатена е дабова и борова шума на површина од околу 700 хектари. Во текот на денот дејствуваа ТППЕ Струмица со 4 пожарникари со 1 теренско возило, ЈП „Национални шуми“ подружница „Беласица“ 4 вработени со 1 теренско возило, 6 полицајци од специјална единица, 1 гранична полиција, 2 шумска полиција и 3 од Итна медицинска помош. Околу 15.30ч. пределот на село Бадилен беше зафатено со дожд и со тоа се зголемува можноста за негово гаснење. Денеска сабајле од ЕЛС Ново Село и од ТППЕ Струмица повторно излегуваат на терен – за контрола.

Пожарот кај селата Долни и Горни Липовиќ, Општина Конче нема активно горење. На теренот контролираа 2 вработени од ЈП „Национални шуми“ подружница „Плачковица“, 2 од ДППД Горица. Денеска, сабајле од подружница „Плачковица“, се повторно во контрола.

Пожарот на запалена сува трева и ниви помеѓу селата Вељуса и Ангелци е ставен под контрола. Зафатена е голема површина, но не можат да потврдат колку. Интервенираат со 3 ПП возила, 3 џипа и со повеќе од 30 пожарникари од ТППЕ Струмица и од Ново Село. ЈПКД Комуналец со 2 возила цистерни. Од СВР Струмица се испратени значителен број полицајци. Екипите биле до доцна на терен. Утрово, по извидувањето и контролата ке се одлучи како ќе се дејствува.

РЦУК Велес, известува дека шумски пожар на подрачјето на Општина Чашка се сеуште активни. Информациите говорат дека и покрај дејствувањето на двата хеликоптера и екипите од земја, пожарот помеѓу селата Долно Јаболчиште и Дреново остануваат активни.

Пожарот кај с.Габровник од страна на ЈП „Национални шуми“ подружница „Бабуна“ од Велес, е делумно локализиран, а од страната на с.Мокрени е активен и се наоѓа во подрачје со густа вегетација и непристапен терен. Загрозеност по населени места за сега не постои. Од страна на градоначалникот на Општина Чашка поднесено е барање за повторно активирање на воздухоплови за двата активни пожари.

-Пожарот кај с. Подлес е се уште активен. На пожарот интервенирале 15 пожарникари и 6 вработени од подружница „Бабуна“.

Пожар настанат на отворен простор на 17.07.2024 година во 10.20 часот во атарот на с.Сирково е изгаснат и во вечерните часови повторно е активиран и се проширува кон с. Мрзен Ораовец и с. Крушевица. Гори ниска вегетација, ниско стеблеста шума и сува тава. Во текот на денот интервенирале: ТППЕ Кавадарци со 4 пожарникари и 1 ПП возило, 25 припадници на ЕБР од МВР, месно население и ловџии, 2 булдожера и 2 цистерни и 1 теге од ЈП „Комуналец“ Кавадарци, еден булдожер на „ЈАМИ“ ДООЕЛ Кавадарци, и еден скип од ЈПКД Росоман. Од воздух се дејствувало со 3 воздухоплови.

Пожарот кај с. Мрзен Ораовец е со намален интензитет и се прават напори огнот да не премине во друг правец и доста сили и ресурси во моментот се пренасочени кон с. Крушевица.

Активни пожари на територијата на Општина Неготино се на планината Серта во атарот на село Пештерница на место викано Горни Промет и во атарот на село Калањево на место викано Дуњица. Гори нискостеблеста шума, сува трева и грмушки.

На Серта се ангажирани армиски сили, пожарникари од ТППЕ Штип и од Македонија пат.

На пожарот кај с.Калањево ангажирани се локални ресурси од страна на Кризниот штаб Неготино:

– ТППЕ Неготино 10 пожарникари со 2 цистерни;

– ЈП Комуналец Неготино 7 вработени со 2 цистерни, 2 скипа;

– Ловно друштво „Вардар Неготино“ со 10 лица;

ЈП Комуналец Кавадарци 3 вработени со 2 цистерни;

– ЈП Македонија пат со 10 вработени, 1 грејдер, 1 скип, 10 моторни пили и 1 гасеничар;

– приватен сектор со 1 возило Бенто;

– Полициска станица Неготино 10 вработени со 1 дрон и

– ЈП „Национални шуми“ од Демир Капија 10 вработени;

Во гаснењето на пожарот кај с.Калањево, вчера, во претпладневните часови беа вклучени 2 хелихоптера.

РЦУК – Штип, известува дека реонот на Серта има повеќе пожари и тоа:

Кај село Пиперово интервенирано е со 9 пожарникари, вработен од РЦУК Штип и 4 од локалното население со 2 џипа. Пожарот е сеуште активен.

Помеѓу село Селце и село Пухче интервенирано е со 16 пожарникари со 3 ПП возила од ТППЕ Штип, 2 пожарникари со 1 ПП возило на ТППЕ Пробиштип, 1 вработен од РЦУК Штип со 1 џип и 5 лица од локално население. Пожарот е сеуште активен.

Екипите на ТППЕ се повлекуваат до наутро. Ќе има оставено по неколку лица за да ја надгледуваат состојбата.

Од ЈКП „ Брегалница“ Делчево известуваат дека пожарот на градската депонија кој започна на ден 14.07.2024 година е се уште активен, односно дека тлее-гори во внатрешноста на депонијата. На теренот има стражарска служба на ЈКП-Брегалница. (Општина Делчево)

Ангажирани ПП воздухоплови – национални ресурси и од меѓународна помош

Хеликоптери за гаснење пожар::

– 2 хеликоптера на Полицијата „бел“ 417

– 2 хеликоптера на Армијата „Ми“ 17

– 1 хеликоптер меѓународна помош од Турција

– 1 хеликоптер меѓународна помош од Црна Гора

– 2 хеликоптера меѓународна помош од Словенија и

– 1 хеликоптер на Србија.

Авиони за гаснење пожар:

– 3 авиони „ер-трактор“ на ДЗС

– 2 авиона „ер-трактор“ меѓународна помош од Турција

-1 авион „канадер“ од меѓународна помош од Хрватска

-1 авион „спартан“ што исфрла „бомби“ со вода (вкупно околу 5 тони) и еден „херкул“ како придружба – меѓународна помош од Р.Романија

Човечки ресурси, денеска на терен, од армијата и полицијата:

– 103 војници од Армијата од Штипската касарна, и

– 30 припадници од специјалните сили од ЕБР

Покрај набројаните човечки ресурси, на терен се и пожарникари од ТППЕ, од Национални шуми, од доброволни ПП друштва, од општински јавни претпријатија, од здруженија на граѓани (планинари, ловци), а и и мештани коишто помагаат во одредени реони за гаснење на пожарите на отворено.