Полека но сигурно го чувствуваме надоаѓањето на ладниот период со потпросечни температури за мај во нашата Македонија. Денешното утро (четврток 8 мај) кај нас е значително посвежо за разлика од изминатите утрини, па така на повеќе места се измерени минимални температури од под 10 степени, а на повисоките места  и на планините тие се спуштија  и под 5 степени.

На табелата можете да ги видите денешните минимални температури измерени по градови и места во Македонија до 8 часот утрово, и тоа на мерните станици на УХМР. Исто така, на табелата може да го видете  и наврнатото количество на воден талог во изминатите 24 часа кај нас, исто така на мерните станици на УХМР.

Да напоменам дека поради локалноста на процесите, количеството на врнежи многу варира  и на различни места тоа може да биде многу поголемо.