Се поблиску ни е ладниот бран кој долго време го најавувам  и кој се спушта од северот  и од североистокот на Европа, поточно од Скандинавија и од Русија. Токму таму понекаде температурите се спуштаат до околу, па и под -10 степени, а исто така владее  и вистинска снежна  идила. Кај нас овој ладен бран сепак ќе биде без врнежи, односно ќе имаме сув студ, и тоа особено во ноќните  и во утринските часови.

Како што може да се види на картата, ладниот бран полека се спушта кон централна Европа, и од утре (недела) полека ќе го зафаќа Балканскиот Полуостров, вклучувајќи ја  и Македонија.

Како што и претходно кажав, за следната седмица и тоа особено за ноќните  и утринските часови подгответе ја топлата облека, зошто и тоа како ќе ви биде потребна.