Овој викенд во нашата Македонија ќе имаме релативно ладно и променливо облачно време со сончеви периоди. Ќе дува северен ветер кој повремено ќе засилува на интензитет  и тоа особено во југоисточните предели од нашата Македонија. Тоа значи дека ќе бидеме под влијание на ладна воздушна маса која се спушта од север кон нашата Македонија.

На планините  и на повисоките населени места над 1000 метри надморска височина повремено ќе провејува снег. Провејување на слаб снег локално може да имаме  и на местата под 1000 метри надморска височина особено во западните  и во северните предели од нашата Македонија. И во Скопје  и околината ќе имаме променливо облачно и релативно ладно време со слаб до умерен ветер од северен правец. На околните планини ќе провејува слаб снег.

Наутро температурите ќе се спуштаат во интервалот од -4 до 5 степени а преку ден максималните температури кај нас ќе се искачуваат во интервалот од 4 до 12 степени. Во Скопје  и околината наутро температурата ќе се спушта до околу 2 степени а преку ден таа ќе се искачува до околу 6 степени.