Попладнево во нашата Македонија, и тоа од северните предели се прошири ветер од северен правец и истиот повремено е засилен на интензитет. Токму ова придонесува топлиот бран од Африка кај нас да слабее, а температурите постепено да опаѓаат.

Ветерот од северен правец ќе продолжи и вечерва, а понатамошно опаѓање на температурите на воздухот ќе  има  и во текот на ноќта, што значи дека пред нас е поднослива ноќ со северен ветер, но и со пониски температури на воздухот за разлика од изминатите неколколку вечери и ноќи.

На метеоролошката карта можете да ги погледнете измерените температури низ Македонија доцна попладнево, па може да се види дека температурите бележат тенденција на опаѓање, и тоа поради продорот на посвежа воздушна маса од север.