Денешниот ден (вторник 15 април) во нашата Република Македонија беше многу мачен, спарен и променлив, додека во претпладневните часови на повеќе места имаше и врнежи од дожд со слаб, локално и со умерен интензитет, потоа врнежите насекаде престанаа и времето беше променливо со сончеви периоди, а повремено засилуваше  и ветерот од јужен и од југоисточен правец.

Да напоменам дека денешните максимални дневни температури и не беа толку многу високи, и насекаде беа под 20 степени, меѓутоа, поради Сахарската прашина  и песок која е присутна во воздухот, но и поради изразеното јужено воздушно струење, температурите ги чувствуваме како да се повисоки од реално измерените.

На табелата можете да ги видете денешните максимални дневни температури измерени по градови и места во нашата Македонија, но и наврнатиот воден талог во изминатите 9 часа во литри на метар квадратен.