Денешниот ден во Македонија беше релативно студен, измерена е највисока снежна покривка од 51 сантиметар
Денешниот, веќе изминат ден во Македонија помина во знакот на стабилно и суво време, односно времето беше променливо облачно со сончеви периоди и релативно студено, со температури кои речиси насекаде беа под 10 степени.
Најтопло до 16 часот според УХМР беше во Гевгелија со измерени 13 степени, а најстудено беше во Крушево со 3 степени. Во Скопје температурата денес се искачи до 8 степени на Зајчев Рид, додека на Скопје Петровец таа изнесуваше 11 степени.
На табелата можете да ги погледнете и останатите температури измерени во Македонија до 16 часот попладнево, и тоа на мерните станици на УХМР. Инаку, снежната повкривка изнесува 51 cм во Маврово, 41 cм на Попова Шапка, 26 cм во Крушево, и 12 cм во Лазарополе.
Може ќе ве интересира
Занимливости
Полека од север кон нашата Македонија пробива влажниот и ладен воздух, кој понатаму ќе условува кај нас врнежи од дожд, снег, северен ветер, како и зголемување и проширување на снежната покривка. На картата можете да ги погледнете измерените температури во овие рани утрински часови низ нашата Република Македонија.