Под влијание на низок воздушен притисок и циклонска активност со центар над Џеновскиот залив во Македонија до крајот на неделава следува многу променливо време со чести повремени врнежи од дожд кои повремено ќе бидат обилни и поројни и со услови за ретка појава на грмежи. Повремено ќе дува засилен ветер од јужен и од југоисточен правец особено во деновите среда 4 февруари 2026 и повторно во петок 6 февруари 2026. На планините над 1400/1500 метри надморска височина ќе има врнежи од снег.

И во Скопје  и околината следува променливо време со почести повремени врнежи од дожд со променлив интензитет. Особено во деновите среда 4 февруари 2026  и во петок 6 февруари 2026 повремено ќе дува засилен ветер од југоисточен правец.

За време на овој период локално ќе наврне значително количество на дожд и тоа над 40/50 литри на метар квадратен дожд. Токму поради ова повторно постои опасност од излевање на реките  и од поплавувања во Македонија во следниот период.

Што се однесува до температурите тие насекаде ќе бидат позитивни односно над нулата во ноќните  и во утринските часови а преку ден тие во поголем дел ќе се искачуваат до околу 10 степени а на повеќе места тие ќе надминат  и 10 степени.