До вторник како што веќе најавивме нашата територија ќе се наоѓа под влијание на поларна воздушна маса која се спушта директно од Арктикот, истата ќе услови многу ниски температури на воздухот и наутро истите ќе се спуштаат во интервалот од -15 до -4 степени, на некои места температурите на воздухот има услови да се спуштат и под -15 степени. Максималните температури пак ќе се искачуваат во интервалот од -6 до 4 степени, што значи дека и во текот на денот температурите на повеќе места ќе останат под нулата.

Потоа од среда под влијание на јужно воздушно стуење и на потопла воздушна маса, ќе има постепен пораст на температурите на воздухот и истите ќе се искачуваат во интервалот од 2 до 8 степени. Времето до среда ќе се задржи сончево со мала до умерена локална облачност и со слаб до умерен ветер кој до вторник ќе биде претежно од северен а потоа од јужен и од југозападен правец.

Од четврток попладне во западните предели ќе има повремени локални врнежи од дожд и снег на повисоките места и на планините, но врнежите најпрвин ќе бидат од послаб интензитет. Истите ќе се интензивираат и прошират насекаде во сабота.

За нови, детални и по потреба обновени метео информации, следете го официјалниот фејсбук профил на Славчо Попоски тука