Метео Аларм Најбрзи, најпрецизни и најреални инфрормации околу временската состојба во Македонија и пошироко
До крајот на денов локално ќе има појава на краткотраен дожд и ретка појава на грмежи. Максималните дневни температури ќе се искачуваат во интервалот од 25 до 33 степени. Во текот на ноќта локално ќе има услови за нестабилност проследена со пороен дожд, грмежи и засилување на ветерот.
Во текот на утрешниот ден нашата територија ќе се наоѓа под влијание на фронтален систем кој се спушта од север, и под влијание на влажна и нестабилна воздушна маса која на повеќе места ќе услови нестабилно време со пороен дожд, грмежи и засилен ветер. Локално процесите ќе бидат ПОИНТЕНЗИВНИ и застапени во форма на НЕВРЕМЕ проследено со обилен пороен дожд, силен ветер, електрични празнења и појава на град. Максималните дневни температури на воздухот, особено на север ќе бележат тенденција на позначително опаѓање и ќе се искачуваат во интервалот од 22 до 30 степени.
Локално поинтензивните атмосферски процеси можно е да условат и локални поплавувања. Локална нестабилност, особено во попладневните часови ќе има и во недела, додека од понеделник следува значително постабилно и посончево време а поради продор на значително потопол воздух од југ, и температурите на воздухот ќе бележат тенденција на позначителен пораст.
Следете го официјалниот фејсбук профил на Славчо Попоски тука
