До крајот на оваа недела нашата територија ќе се наоѓа под влијание на стабилна, сува и топла воздушна маса од југ која ќе условува сончево и невообичаено топло време за овој период од годината со умерена локална облачност. Во претпладневните часови по одделни котлини ќе има услови за појава на магла и на ниска облачност. Максималните дневни температури на воздухот ќе се искачуваат во интервалот од 13 до 20 степени.

Во Скопје и понатаму ќе се задржи стабилно, суво и сончево со умерена облачност. Ќе дува слаб ветер од јужен правец, додека наутро ќе има услови за појава на слаба магла. Максималната дневна температура ќе се искачува во интервалот од 15 до 17 степени.

Под влијание на циклонска активност, на почетокот од следната недела времето ќе биде променливо облачно со повремени врнежи од дожд и со засилен ветер од јужен правец. Локално ќе има услови и за нестабилност проследена со ретка појава на грмежи. Температурите на воздухот и понатаму ќе останат над просекот и ќе се искачуваат во интервалот од 12 до 19 степени.

За нови, детални и по потреба обновени метео информации, следете го официјалниот фејсбук профил на Славчо Попоски тука