СНЕГОТ ЗАПОЧНА ДА ПАЃА НИЗ МАКЕДОНИЈА – ОД ВЕЧЕРВА ПОДГОТВЕТЕ СЕ ЗА СТУД И ЗА СИЛЕН СЕВЕРЕН ВЕТЕР

објавено на:

26 Јан 2021

од:

сподели:

Во моментов снегот започна да паѓа низ Македонија, односно врнежите од дожд преминаа во врнежи од снег и на пониските места и тоа особено во северните и во источните предели од државава каде веќе дува засилен, до повремено силен ветер од северен правец. До крајот на денов врнежи од снег ќе има на повеќе пониски места а снежна покривка ќе се формира понекаде и на ниските места. Силниот ветер од северен и од северозападен правец ќе се прошири насекаде и во текот на ноќта и утре понекаде и повремено ќе биде и ОЛУЕН со брзина од околу 80 км/час.

До утре наутро температурите речиси насекаде ќе се спуштат под нулата и истите ќе се спуштаат во интервалот од -8 до 1 степен во најтоплите предели од државава. На повисоките и планинските места ќе биде уште постудено каде температурите ќе се  спуштат и под -10 степени. Токму поради ова ќе има појава на голомразица па на возачите и на пешаците им препорачуваме да бидат КРАЈНО ПРЕТПАЗЛИВИ. Локално провејување на снег ќе има и утре а максималните температури ќе се искачуваат во интервалот од -3 до 5 степени.

Многу студено ќе биде и во четврток наутро со минимални температури кој ќе се спуштаат во интервалот од -11 до -2 степени, на повисоките места и на планините истите ќе се спуштат и до околу -15 степени.

Во четврток и во петок во текот на денот ќе има преодно стабилизирање на времето, додека нови врнежи од дожд и снег на планините ќе има во петок навечер  и во текот на ноќта кон сабота. Во четврток ќе биде сеуште релативно студено со максимални температури кој ќе се искачуваат во интервалот од -1 до 8 степени, додека од петок па за време на викендот ќе има пораст на температурите на воздухот.

За нови, детални и по потреба обновени метео информации, следете го официјалниот фејсбук профил на Славчо Попоски тука

 

 

За нови или обновени метео информации, следи ме на социјалните медиуми.За нови или обновени метео информации, следи ме на социјалните медиуми.