СЛЕДУВА ИЗРАЗЕНО ЈУЖНО ВОЗДУШНО СТРУЕЊЕ И НАТПРОСЕЧНО ВИСОКИ ТЕМПЕРАТУРИ НА ВОЗДУХОТ
До крајот на денов времето во државава ќе биде претежно облачно со слаби локални врнежи од дожд, особено во западните предели. На планините ќе има слаби врнежи од снег а ќе дува и умерен, повремено на некои места засилен ветер од југоисточен правец. Максималните дневни температури на воздухот ќе се искачуваат во интервалот од 4 до 11 степени.
Во Скопје и околината времето ќе биде претежно облачно со услови за сосема слаб локален дожд. Ќе дува умерен, повремено засилен ветер од југоисточен правец, додека максималната температура се очекува да се искачи до околу 8 степени.
Потоа во следните денови времето ќе се задржи променливо облачно и значително потопло со повремен локален дожд. Поинтензивни врнежи ќе има во текот на ноќта недела кон понеделник како и во понеделник, особено претпладне. Ќе дува умерен, повремено засилен ветер од југоисточен правец додека максималните дневни температури особено за време на викендот ќе бидат над просекот и ќе се искачуваат во интервалот од 9 до 16 степени.
За нови, детални и по потреба обновени метео информации, следете го официјалниот фејсбук профил на Славчо Попоски тука
Може ќе ве интересира
Занимливости
Денешното утро (Велика сабота 19 април) во Македонија ни донесе сончево време со релативно високи температури на воздухот, а такво време не очекува целиот овој празничен викенд. На табелата можете да ги погледнете денешните минимални температури измерени по градови и места во нашата Република Македонија, и тоа на мерните станици на УХМР.