РЕКОРДНИ ТЕМПЕРАТУРИ: ИЗМЕРЕНИ 19°C – ЌЕ БИДАТ УШТЕ ПОВИСОКИ ДО КРАЈОТ НА НЕДЕЛАВА – ОД ПОНЕДЕЛНИК НОВ ЦИКЛОН

објавено на:

03 Фев 2021

од:

сподели:

Нашата територија од денес се наоѓа во поле на висок воздушен притисок, додека во исто време од југ продира се потопла воздушна маса па така и температурите на воздухот се се повеќе повисоки. Денес највисока температура е регистрирана во Гевгелија и тоа 19 степени, додека во Крива Паланка и во Скопје температурата на воздухот се искачи до 14 степени.

Сепак по одделни котлини, особено во претпладневните часови имаше појава на магла и на ниска облачноста, исто така ќе продолжи да биде и во текот на следните неколку денови – односно до недела.

Во следните неколку денови поради понатамошен продор на топол воздух од југ температурите ќе се искачуваат во интервалот од 13 до 20 степени, односно истите ќе бидат значително над просекот за овој дел од годината и ќе бидат повисоки од нормалните дури за околу 8 до 12 степени. Времето ќе биде сончево со мала до умерена локална облачност и со слаб ветер од променлив правец.

Во недела воздушниот притисок ќе започне да опаѓа, во исто време ќе започне да дува слаб до умерен ветер од јужен правец кој полека ќе засилува и во понеделник истиот ќе биде со засилен интензитет. Во понеделник под влијание на циклонска активност со центар над Италија и Јадранското море ќе има повремени врнежи од дожд. Локално ќе има услови за развој на нестабилност проследена со засилен ветер, грмежи и пороен дожд.

За нови, детални и по потреба обновени метео информации, следете го официјалниот фејсбук профил на Славчо Попоски тука







Занимливости

  • 19 Јул 2024

    Центарот за управување со кризи (ЦУК) информира дека има активни 13 пожари, од вкупно 28-те пожари на отворено во последното деноноќие, што се во општините: - Општина Чашка с.Јаболчишта и с.Дреново врв Лисец (високостеблеста вегетација) -Општина Велес кај с. Калањево (нискостеблеста шума) -Општина Росоман кај с.Сирково и с. Подлест (нискостеблеста шума и ниска вегетација) - Општина Студеничани место викано [...]