ПРЕДУПРЕДУВАЊЕ: НЕВРЕМЕ СЕ ДВИЖИ КОН МАКЕДОНИЈА – УТРЕ ПОПЛАДНЕ И ВО ЧЕТВРТОК НА ПОВЕЌЕ МЕСТА ДОЖД, ГРМЕЖИ, СИЛЕН ВЕТЕР И УСЛОВИ ЗА ПОЈАВА НА ГРАД

Почнувајќи од утре попладне нашата територија ќе се наоѓа под влијание на нестабилна и влажна воздушна маса која на повеќе места ќе условува развој  на нестабилна облачност проследена со пороен дожд, грмежи и засилен ветер.

Локално процесите има услови да бидат ПОИНТЕНЗИВНИ и застапени во форма на НЕВРЕМЕ проследено со поинтензивен пороен дожд, електрични празнења, силен ветер и појава на град. Токму поради ова на граѓаните ги советуваме да бидат КРАЈНО ПРЕТПАЗЛИВИ, и тоа особено во случај на појава на електрични празнења и силен ветер.

Напомена: Најмали услови за развој на нестабилност и за врнежи, како и за појава на невреме имаат југозападните предели (Охридско – Струшкиот, како и Преспанскиот регион).

Температурите во текот на следните денови ќе бележат тенденција на пад и тоа под влијание на посвежа воздушна маса од север, и тоа особено од петок кога  ќе дува и северен ветер, најизразен Долж Повардарието. Температурите особено од петок ќе се искачуваат во интервалот од 20 до 29 степени.

За нови, детални и по потреба обновени метео информации, следете го официјалниот фејсбук профил на Славчо Попоски тука