МЕСЕЧНА АНАЛИЗА НА ВРЕМЕТО ЗА СЕПТЕМВРИ: ЏЕМПЕРИТЕ ЌЕ ТРЕБААТ – НО И ТОПЛИТЕ ЛЕТНИ ДЕНОВИ НЕМА ДА ИЗОСТАНАТ

Според сегашните анализи кои ние ги направивме со помош на најпрецизните метеоролошки модели во светот, укажуваат на тоа дека месецот септември во поглед на температурите и на врнежите треба да биде просечен. Што значи се очекуваат типични температури на воздухот за септември месец, а исто така и врнежи.

Повремено можни се нешто повеќе врнежи, особено во западните предели од државава.

Нормално дека повремено треба да се очекува и посвежо време од вообичаеното, особено во првите денови од месецот, кога особено наутро ќе биде осетно посвежо со ниски утрински температури кои на некои места се очекува да се спуштат и под 10 степени. Сето ова е поради продор на свежа воздушна маса од север.

Во текот на месец септември , исто така се очекуваат сеуште убави, летни и топли денови, но пеколни горештини како што кажавме пред извесен период повеќе нема да има.

НАПОМЕНА: Со оглед на тоа дека се работи за долгорочна анализа на времето, голема е веројатноста да има промени во истата. Затоа граѓаните да ги следат нашите секојдневни и пократкорочни анализи, за најпрецизно да бидат информирани околу временската состојба кај нас.

• За нови, детални и по потреба обновени метео информации, следете го официјалниот фејсбук профил на Славчо Попоски тука
• Одсега па натаму можете да ме следете и на инстаграм @slavchopoposki