Метео Аларм Најбрзи, најпрецизни и најреални инфрормации околу временската состојба во Македонија и пошироко
До крајот на денов времето во Македонија ќе биде променливо облачно со сончеви периоди и со повремен локален дожд. Попладне локално ќе има услови за нестабилност проследена со појава на грмежи.
Ќе дува умерен, повремено засилен ветер од јужен и од југозападен правец, кој кон крајот на денов и во вечерните часови, особено Долж Повардарието ќе го промени својот правец во северен. Максималните температури ќе се искачуваат во интервалот од 16 до 23 степени.
Позначителна промена на времето ќе има утре кога ќе имаме претежно облачно време, на повеќе места со повремени врнежи од дожд, додека на планините и на повисоките места, особено на север ќе има врнежи од снег. Во северните и северозападните предели снежната граница локално има услови да се спушти и под 1000 метри.
Ќе дува слаб до умерен ветер од северен правец, кој Долж Повардарието повремено ќе засилува. Максималните температури ќе се искачуваат во интервалот од 5 до 14 степени, што значи истите ќе бидат пониски за разлика од денешните дуру за околу 10 степени.
Во Скопје и околината, особено попладне и во текот на ноќта, како и утре ќе има услови за повремени врнежи од дожд. Утре на околните повисоки планини ќе има услови за врнежи од снег, додека максималната температура денес ќе се искачи до околу 21 степени. Утре истата ќе биде пониска дури за околу 10 степени и максималната дневна ќе се искачи до околу 10 степени.
Стабилизирање на времето и пораст на температурите ќе има на почетокот од следната недела.
За нови, детални и по потреба обновени метео информации, следете го официјалниот фејсбук профил на Славчо Попоски тука
