Во почетокот од неделата МНОГУ ТОПЛО – Меѓутоа од среда продор на посвеж воздух од север и пад на температурите!

Утре и во вторник како што веќе најавивме, времето во Македонија ќе биде сончево и МНОГУ ТОПЛО со мала до умерена локална облачност. Сепак во попладневните часови не се исклучува можноста за ретка појава на краткотраен пороен дожд, грмежи и засилен ветер. Температурите ќе се искачуваат во интервалот од 25 до 32 степени, додека во најтоплите предели истите се очекува да се искачат и блиску до 35 степени.

Поголеми услови за нестабилност, и тоа особено во северната половина од државава ќе има во вторник кон крајот на денот и навечер.

И во Скопскиот регион утре времето ќе биде претежно стабилно, суво и сончево, како и МНОГУ ТОПЛО со мала локална облачност, додека во вторник кон крајот на денот и навечер ќе има услови за локална нестабилност, проследена со пороен дожд, грмежи и засилен ветер. Максималните температури ќе се искачуваат во интервалот помеѓу 29 и 31 степен.