СЛАВЧО ПОПОСКИ: СЛЕДНИТЕ УТРА ЌЕ БИДАТ ЗНАЧИТЕЛНО ПОСТУДЕНИ – ЛОКАЛНО СО ПОЈАВА НА МРАЗ! ПРЕКУ ДЕН ПОТОПЛО

И во текот на следните денови продолжува периодот на стабилно и суво време, односно времето ќе биде променливо облачно со сончеви периоди. Локално ќе има и позначителна облачност а ќе дува и слаб до умерен ветер од југоисточен правец.

Наутро ќе биде студено, со минимални температури кој понекаде ќе се спуштат до околу -2 степени, со што локално ќе има појава на мраз. Додека максималните ќе се искачуваат во интервалот од 11 до 17 степени.

И во Скопскиот регион во текот на следните денови времето ќе биде стабилно и суво, односно променливо облачно со сончеви периоди. Повремено ќе има и позначителна облачност, а ќе дува и слаб до умерен ветер од југоисточен правец. Минималните температури ќе се спуштат до околу 1 степен, додека максималните ќе се искачат во интервалот помеѓу 12 и 13 степени.

• За нови, детални и по потреба обновени метео информации, следете го официјалниот фејсбук профил на Славчо Попоски тука
• Одсега па натаму можете да ме следете и на инстаграм @slavchopoposki